Presidenti i Këshillit Evropian Charles Michel beson se gjatë samitit virtual të liderëve të BE dhe Ballkanit Perëndimor, u konfirmua mbështetja e fortë e Unionit për perspektivën evropiane të rajonit.
Ai u bëri thirrje vendeve të Ballkanit Perëndimor që të vazhdojnë reformat, veçanërisht në fushat e sundimit të ligjit, vlerat demokratike dhe luftën kundër korrupsionit.
“Këto janë të gjitha fushat që janë vendimtare për mirëqenien e qytetarëve, por edhe për forcimin e partneritetit BE-Ballkan Perëndimor”, tha Michel.
Ai gjithashtu tha se u diskutuan sfidat e BE-së dhe Ballkanit Perëndimor, të cilat kërkojnë një përgjigje të përbashkët.
Perspektiva evropiane e Ballkanit Perëndimor
Duke thënë se të dy temat ishin në fokus të bisedës, Michel fillimisht adresoi krizën e shkaktuar nga pandemia COVID-19.
“Eshtë e rëndësishme që BE, në partneritet me Ballkanin Perëndimor, ta kapërcejë këtë sfidë. BE ka marrë vendime të rëndësishme që tregojnë solidaritetin tonë me rajonin. Ne kemi siguruar të paktën 3.3 miliardë euro ndihmë afatshkurtra dhe afatmesme për Ballkanin Perëndimor për të mbështetur strategjinë e rimëkëmbjes”, tha Michel.
Ai gjithashtu kujton se si një temë tjetër e rëndësishme që u diskutua ishte perspektiva evropiane e Ballkanit Perëndimor.
“Mesazhi i rëndësishëm është që ne riafirmuam pozicionin tonë të fortë në këtë drejtim. Tani është e rëndësishme të vazhdohet me reformat në rajon dhe zbatimin e tyre,” përfundoi Michel. /tesheshi.com/
