Ministri i Drejtësisë në qeverinë e Londrës, Michael Gove, ka lëshuar një tjetër deklaratë të pazakontë me nota ksenofobe, kësaj radhe jo vetëm ndaj shqiptarëve, por dhe ndaj popujve të tjerë të Ballkanit.
Ithtar i daljes së Britanisë së Madhe nga BE-ja, Gove tha se derisa Shqipëria, Maqedonia, Mali i Zi, Serbia dhe Turqia po kërkojnë që të gjitha të bëhen pjesë e Bashkimit Europian, kjo do të çojë 88 milionë personave të tjerë shtesë t’u jepet e drejta të jetojnë e punojnë në Britani.
Dhe duke iu drejtuar atyre që janë “pro” qëndrimit të Britanisë në Bashkimin Europian, Gove tha se “një votë e tillë do të thotë më shumë Europë, më shumë pushtet në duart e Brukselit, më shumë emigracion dhe më shumë para të taksapaguesve britanikë që financojnë ekspansionin e Europës”. /tesheshi.com/
