Të paktën 80 civilë u vranë gjatë njw ndërhyrjeje të armatosur të ushtrisë së Mianmarit gjatë protestave kundër grushtit të shtetit ushtarak dhe ndalimit të anëtarëve të zgjedhur të qeverisë të mbajtur në qytetin Bago.
Sipas Independent, ushtarët në rrethin Ma Ga Dit në qytetin Bago hapën zjarr ndaj protestuesve të cilët vazhduan të protestojnë pavarësisht paralajmërimeve.
Sipas dëshmitarëve okularë, ushtarët hapën zjarr ndaj protestuesve me armë të rënda dhe hodhën bomba dore. Të paktën 80 njerëz u vranë në sulm.
Në qytetin Tamu në Mianmar, qytetarët i zunë në pritë një autokolonë ushtarake dhe vranë tre ushtarë.
Ushtria e Mianmarit kreu një grusht shteti në 1 shkurt të këtij viti dhe mori pushtetin në vend me pretekstin se zgjedhjet e nëntorit ishin të parregullta. Ushtria ka shpallur një gjendje emergjente njëvjeçare dhe ka arrestuar udhëheqësit e qeverisë, duke përfshirë udhëheqësen e Mianmarit Aung San Suu Kyi.
Ushtria ka vrarë më shumë se 600 civilë gjatë demonstratave masive kundër grushtit të shtetit që nga 6 shkurti. Gati 3,000 njerëz janë arrestuar dhe urdhër-arreste janë lëshuar për 520 tw tjerw. /tesheshi.com/
