Kryeministri Rama bëri me dije se puna në tunelin e Murrizit po vijon, ndërsa janë metrat e fundit që edhe kjo vepër, më e rëndësishmja e Rrugës së Arbrit, të jetë plotësisht e hapur dhe e aksesueshme për të gjithë drejtuesit e automjeteve.
Kjo bën të mundur që i gjithë qarku i Dibrës të jetë akoma edhe më afër me Tiranën, shkroi ai, për një rrugë të re që ka dhe dy tunelet të tjera.
“Gjeologjia solli vonesat në ecurinë e këtij projekti, por puna nuk është ndalur dhe nuk do të ndalet deri në përfundimin dhe hapjen e plotë të tunelit, i cili bën të mundur që i gjithë qarku i Dibrës të jetë akoma edhe më afër me Tiranën”, shtoi kryeministri.
Tuneli i Murrizit është 3.8 km dhe kanë mbetur 400 metra për t’u hapur tërësisht.
Prej tij, afati i përfundimit të rrugës është shtyrë më shumë se një vit.
Me këtë rrugë, nga 5 orë dikur, Dibër-Tiranë e anasjelltas do bëhet për 1 orë e 15 minuta. /tesheshi.com/
