Agjencia Qendrore e Inteligjencës e Shteteve të Bashkuara (CIA) trainoi zogj, delfinë, mace dhe qen gjatë Luftës së Ftohtë
BBC publikoi ca të dhëna, duke iu referuar dokumenteve nga të cilat CIA hoqi etiketën “sekrete”, duke thënë se agjensia përdori pëllumba gjatë Luftës së Ftohtë për të kapur foto të zonave të ndjeshme brenda Bashkimit Sovjetik.
Drejtuesit e CIA-s besuan se kafshët ishin të domosdoshme në kryerjen e detyrave sekrete, dhe kështu në vitet 1970, një pëllumb u bashkangjit një operacioni të quajtur kodi “Tacana”. Shpendit të njohur i ishin bashkangjitur mini-kamera në trup, duke luajtur rolin e dronëve të sotëm.
Për të përcaktuar nëse Bashkimi Sovjetik testoi armë bërthamore, CIA konsideroi instalimin e sensorëve specialë te zogjtë migratorë. Përveç kësaj, pajisjet e përgjimi u instaluan dhe në macet, të koduara si “Acoustic Kitty”.
Në fund të viteve 1960, CIA u përpoq të shfrytëzonte edhe delfinët madje për operacione nënujore dhe kreu testimin e nevojshëm për të vendosur të ta sensorë, ku si mision do kishin identifikimin e nëndetësesve bërthamore sovjetikë.
Agjensia amerikane gjithashtu kreu kërkime mbi atë “nëse delfinët janë të aftë të vendosin një pako në një anije në lëvizje”, si dhe teste në të cilat qenve iu dha udhëzime në distanca të gjata duke përdorur energji elektrike.
Teksti thotë se deri në vitin 1967, CIA shpenzoi më shumë se 600,000 dollarë për programe trajnimi të fshehtë për delfinët, zogjtë, macet dhe qentë. /tesheshi.com/
