Gjumi polifazik, i cili përbëhet prej disa faza, shpesh lidhet për një prej emrave më të shkëlqyer të botës së artit dhe shpikësin e epokës së rilindjes, Leonardo da Vinçin. Sigurisht atij i është dashur shumë kohë për të zhvilluar idetë e tij – kohë të cilën shpesh nuk e kishte. Duke qenë njeri i shkathët, megjithatë, ai bënte çmos që të nxjerrë sa më shumë kohë nga doza e tij ditore e gjumit.
Plani i tij kishte për qëllim që të ndajë periudhën normale të pushimit të natës në disa pjesë – ose më shumë faza, duke çuar kështu në praktikën e gjumit disa herë gjatë ditës. Kështu, da Vinci ka fjetur 15 minuta çdo katër orë. Si rezultat, ai ka fjetur vetëm një orë e gjysmë në ditë. Kohën të cilën e kursente nga pushimi e përdorte për punë krijuese. Da Vinçi është thënë se e ka përdorur këtë metodë për shumë vite të jetës së tij dhe se ai nuk është ndjerë kurrë i lodhur.
Është e njohur se në kushte fiziologjike, koha më produktive për punë dhe krijimtari është pas një periudhe të gjumit. Kjo është koha kur kapaciteti i një personi për punë është veçanërisht i lartë. Ndërprerja e kohës prej 4 orësh qëndrimi zgjuar me një periudhë të shkurtër pushimi, çon te një rritje e kapacitetit për punë, e cila është pasojë e drejtpërdrejtë e një pushim të tillë.
Pas vite të tëra ushtrimesh dhe eksperimentimesh, ata që ndoqën shembullin e da Vincit, erdhën te një mundësi zgjedhjeje në mes të disa variacioneve më efikase të gjumit shumëfazësh:
Fjetja për 30 minuta çdo 6 orë (metoda dymaxion)
Fjetja për 20 minuta çdo 4 orë (metoda uberman)
Fjetja natën 1,5 deri 3 orë dhe gjatë ditës tri herë nga 20 minuta (metoda everyman)
Fjetja natën për 2 orë dhe një herë pasdite 20 minuta (metoda tesla)
Fjetja natën 5 orë dhe 1,5 orë pasdite (metoda siesta)
Megjithatë, duhet pasur parasysh se trupi i secilit është ndryshe, dhe llojet e ndryshme të gjumit shumëfazësh nuk mund të jetë të njejta për të gjithë. Ekspertët paralajmërojnë se në qoftë se planifikoni të zbatoni këtë orar pushim-punë, mos vozitni makinën dhe mos merrni vendime të rëndësishme derisa të jeni absolutisht të sigurtë se privimi nga gjumi nuk ka efekte anësore.
Ajo që mund të thuhet është se, ky orar ka kuptim vetëm në plan afatshkurtër, kur ju keni shumë punë, por jo gjithmonë. Gjumi është shumë i vlefshëm për mendjen dhe trupin tonë, dhe vetëm një natë pa gjumë nuk mund të kompensohet lehtë./tesheshi.com/
