Presidenti Meta u shfaq si zakonisht vitet, në një konferencë për media me gjeste e shprehi të shpenguara, edhe nervoze gjithashtu, duke premtuar rikthim në politikë, ku në fakt ka qenë në politikën e zakonshme, atë të rëndomën madhe, dhe rëndomësisht, edhe gjatë 5 viteve si kreu i shtetit.
“…Pas 24 korrikut kur të takohemi bashkë këtu sipas premtimit të dhënë në këtë institucion. Sigurisht që ka qëlluar ditë e hënë, është ditë punë, kështu që fillojmë një kapitull të ri me energji të pashtershme”, tha ai, pa u kuptuar nëse doli në konferencë për këtë apo për diç tjetër. Te të tjerat, ai komentoi dhe marrëveshjen e 17 majit të 2017-ës, te e cila zbuloi një pakt konspirativ mes Ramës e Bashës.
“Ajo marrëveshje e turpshme e realizuar në errësirë 5 vite më parë tashmë ekspozuar në dritën e diellit për qytetarët. Është e qartë se ajo ishte një marrëveshje kundër zgjedhjeve të lira dhe të ndershme, duke penalizuar dhe aleatët që qëndruan në çadër.
Ajo marrëveshje vijoi dhe ende gëlon. Ishte pjesë e marrëveshjes së 17 majit dhe djegia e mandateve parlamentare të opozitës duke i garantuar pushtetit kapjen e plotë të parlamentit dhe institucioneve të pavarura”, tha njeriu që dhe pak javë do jetë në Presidencë. /tesheshi.com/
