Presidenti i Shqipërisë, Ilir Meta nis sot një vizitë dyditore në Kosovë me ftesë të homologut të tij, Hashim Thaci.
Meta pas takimit me Thacin, do të kryesojë bisedimet dypalëshe mes delegacioneve respektive zyrtare, ndërsa do të takohet edhe me kryeministrin Hajradinaj, kryetarin e Kuvendit Veseli dhe zv.kryeministrin njëherit ministrin e Jashtëm Behgjet Pacolli.
Vizita e parë e Metës si President në Kosovë përmban edhe takimin me krerët e partive parlamentare si dhe homazhe te varri i presidentit Ibrahim Rugova dhe në Kompleksin e Memorialit “Adem Jashari” në Prekaz-Skënderaj. /tesheshi.com/
