“…një marrëveshje që është ligjërisht e patëmetë, praktikisht e zbatueshme dhe përfundimisht e parevokueshme” – kështu e ka përkufizuar Presidenti Meta atë që pritet të nënshkruhet me palën greke, marrëveshjen e re, dhe historike në një kuptim, ku veç Paktit të ri detar, janë dhe një seri çështjesh të tjera, por ku Deti është më i ndjeshmi.
Duke folur për To Vima, Meta tha se ndihet mirë që Tiranë dhe Athina janë ulur e po negociojnë për një erë të re marrëdhëniesh mes tyre.
“Në çdo rast e kam theksuar faktin se marrëdhëniet e Shqipërisë me Greqinë janë me rëndësi të madhe dhe strategjike. Gjithmonë kam dashur të shoh një dialog të hapur bazuar në vullnetin reciprok pozitiv për të diskutuar të gjitha çështjet me interes.
Kjo axhendë nuk vjen nga një planet tjetër, as nuk na imponohet, por përfshin çështje, disa të trashëguara nga e kaluara dhe të tjerët nga e tashmja, të cilat janë të një interesi të përbashkët dhe shqetësojnë popujt tanë.
Unë e mirëpres faktin që ka një qëllim të mirë për t’u ulur dhe për të diskutuar të gjitha këto çështje, me shpresë se ato janë adresuar në mënyrën më efikase”, theksoi kreu i shtetit shqiptar. /tesheshi.com/
