Presidenti Meta i është rikthyer ekzibicionizmave të tij me kafshë, me të cilat performonte në publik ditë pas dite gjatë krizës së rëndë politike të muajve të verës, një pjesë e së cilës vijon ende.
Ai ka pozuar me një mace, duke përcjellë të vetmën batutë që opinioni ka fiksuar prej tij në mbi dy dekada protagonizëm politik, atë “Me qetësi e dashuri”, sajuar e thënë gjatë katër viteve si Kryetar Kuvendi në momente përplasjesh mes tij dhe opozitës, të cilën sot e udhëheq si “lider në hije” nga Presidenca.
“Një fundjavë të mbarë! Me qetësi dhe dashuri!”, shkruan Meta shkurt, duke e përdorur frazën e tij identifikuese si diçiturë për foton ku shfaqet me macen në krah.
Ky kthimi i tij në shfaqjet e shumëkomentuara, por dhe të shumëkontestuara, ku publikut i prezantohet dhe qen në krah apo me lakuriq me mbathje banje, vjen pa ndonjë shkak të caktuar në kuadër të krizës politike, ku dhe zgjodhi të shfaqte atë që mund të quhet “rini e vonuar”, karakterizuar nga sjelljet e shkujdesura në raport me të qënit në krye të shtetit si president. /tesheshi.com/
Top of Form
Bottom of Form
