Presidenti Meta iu është rikthyer mesazheve të tij të shpenguara, përçuar nga pozita aspak zyrtare, duke pozuar në natyrë.
Këtë të dielë, nga Gjiri i Lalëzit, aty ku posedon një vilë buzë detit, kreu i shtetit, me pamje sportive, ka shkruar: “Mirëmëngjes nga Lalëzi! Edhe pse deti është zgjuar nervoz sot, shpresojmë të reflektojë dhe qetësohet më vonë”.
Të tilla mesazhe aludohet se përmbajnë nëntekste politike, përcjellë rivalit të tij kryesor, kryeministrit Rama, në tentativë për ta bindur që ta ndjekë pas atë në zgjidhjen e krizës, për të cilën Meta ka dekretuar zgjedhje lokale për më 13 Tetor, të injoruara dhe nga faktori ndërkombëtar deri më tani, duke propozuar njëherësh që atë ditë të ketë dhe zgjedhje të përgjithshme të parakohshme, si dhe presidenciale me votë nga populli. /tesheshi.com/
