Në vazhdën e përmendjes së figurave historike duke projektuar veten te ta, presidenti Meta ka sjellë në kujtesë Nako Spirun, të vetëvrarin e ish-kupoluës komuniste të pasluftës, duke thënë se u vetëflijuër për atdhe, një aludim që një sakrificë të tillë, po për atdhe, do e bënte dhe ai.
“Si sot, 73 vjet më parë, në rrethana ende të dyshimta, u nda nga jeta, Nderi i Kombit, Nako Spiru, organizatori, frymëzuesi dhe drejtuesi kryesor i Rinisë Antifashiste, pas rënies heroike të Qemal Stafës.
Patriot, intelektual i shquar dhe publicist i talentuar, i cili gjithë dijet dhe energjitë i vendosi në shërbim të Shqipërisë, tek jeta dhe vepra e tij, mbizotëroi përherë deviza: ‘Atdheu, mbi partinë’
Ishte në të vërtetë kjo arsyeja, që u bë shkak edhe për ndarjen nga jeta në një moshë të re, pasi refuzoi hapur dhe nuk e pranoi kurrë vasalitetin e Shqipërisë nga Jugosllavia”, shkruan Meta, duke theksuar si paralale krahasuese edhe faktin që ai nuk pranon vasalitetin ndaj ndërkombëtarëve.
Kujtojmë se rreth dy vite më parë, nën këtë frymë, Meta tha se ishte i gatshëm të vetësakrifikohej si Salvador Aljende, ish-lideri majtist kilian, i vetëvrarë pas grushtit ushtarak të Pinoçetit, pas së cilit ishin amerikanët. /tesheshi.com/
