Heqja nga policia e një banderole gjigande të LSI-së në Fier, duke e konsideruar aftë si të paligjshme, ka çuar në një tjetër reagim të llojit neurotik nga ana e Metës.
Ai qartazi bëri thirrje për luftë por pa armë zjarri.
“Fol me Ruçin Kejdi (Mehmetaj, kandidate në Fier), hiqini banderolat tuaja derisa të mbarojë mitingu Ramës, dhe pastaj vëreni prapë, se nuk është ky problemi më i madh që ka Fieri, se qytetarët e dinë ç’ka bërë ai kryetari dhe do u japë dënimin me votë plebishitare.
Tani unë meqë për dy ore do iki në Vlorë dhe do kaloj në Fier, do iki vetë t’ja vë posterat e tij që të kënaqet ai, provokator i qelbur që kërkon të prishë ditën e dielës.
Ti mprehin sfurqet, kosoret, lopatat, sopatat t’i mprehin e t’i kenë gati për të dielën dhe po u prek vota, do dalin kundër me presidentin në krye qytetarët e Fierit dhe Mallastrës”, tha Meta me nervozitetin e zakonshëm që e shoqëron kohët e fundit.
Megjithatë, Meta tha se nuk do derdhjen e gjakut të dielën.
“Nuk dua më asnjë pikë gjaku , as pikë loti për zgjedhjet, secili të votojë siç do, nëse merr 71 mandate në mënyrë të ndershme Rama , do t’i jap dhe të presidentit vetë. Ama nëse preket një votë të gjejë vend e të futet”, shtoi njeriu që mban postin e kreut të shtetit, por që bën haptazi fushatë për partinë e tij, LSI-në. /tesheshi.com/
