Ish-kreu i LSI-së Ilir Meta, sot president, duke shfrytëzuar Ditën Ndërkombëtare të Rinisë, lëshoi një thirrje revolucionare në funksion të përplasjeve të tij me qeverinë, më saktë me vetë kryeministrin Rama.
“Sot në ditën ndërkombëtare të rinisë, apeli im për të gjithë ju të rinj e të reja kuq e zi është: bashkohuni dhe merrni në dorë fatet tuaja dhe të atdheut tonë!
Është koha të mbroni të ardhmen e Shqipërisë dhe unë besoj në vetëdijen dhe përgjegjshmërinë e madhe që do të merrni për ta ushtruar me vendosmëri dhe shqiptari këtë detyrë të lartë! Koha që zëri juaj të dëgjohet!
Po, Shqipëria do bëhet nga rinia! Nëse jo ju, kush tjetër?! O sot, o kurrë!”, shkruan Meta, duke revokuar, dhe me foto, Lëvizjen e Dhjetorit.
Kujtojmë se në fund të vitit të kaluar, Meta paralajmëroi një tubim në 8 Dhjetorin studentor, por që iu prish si plan nga tërmeti.
Kujtojmë gjithashtu se atë Dhjetor, Meta nuk njihej si figurë studentore, por që ka qenë pjesë e delegacionit në takim me Ramiz Alinë, edhe pse nga radha e fundit, ku në të parën ishte i ndjeri Azem Hajdari, Arben Imami e të tjerë.
Ndërsa Edi Rama, kundër të cilit ai bën thirrje, ishte ndër figurat qëndrore dhe më tërheqëse të Dhjetorit, por me pozicionim te Akademia e Arteve. /tesheshi.com/
