Krerë të së ashtuquajturës “Opozita e Bashkuar”, iu qasën ftesës së Metës për një takim në Presidencë, sipas kreut të shtetit, për të diskutuar mbi krizën e rëndë pas ngërçit të emërimeve në Kushtetuese.
Aty kanë qenë të gjithë, me Bashën në krye, por ka munguar Kryemadhi, me gjasë për të shmangur një “skenë teatrale” faqe kamerave, ku dy bashkëshortë që ndajnë shtratin, vihen përballë njëri-tjetrit si aktorë politikë të pavarur, por dukshëm e qartazi brenda një projekti politik anti-Rama. Në vend të Kryemadhit, është zgjedhur të jetë Petrit Vasili.
“Faleminderit që i jeni përgjigjur kësaj ftese për një takim zyrtar për situatën tepër kritike të vendit, të funksionimit të shtetit të së drejtës, për t’u informuar në detaje nga pikëpamja për kapjen më të rëndësishme se çdo institucioni tjetër të shtetit, për ta shndërruar në një KQZ-së palaço si ajo që panë të gjithë shqiptarët. Kjo çështje nuk do të mbyllet, unë nuk do të lejoj…”, mësohet të ketë deklaruar Meta.
Ai ka ftuar dhe Këshillin e Ambasadorëve, si dhe shoqërinë civile, por jo dhe përfaqësues nga mazhoranca, që është dhe aktori kryesor politik pa të cilin nuk ka zgjidhje të krizës, duke vendosur të “mos e njohë” atë. /tesheshi.com/
