Mëngjesin e sotshëm Kryetari i Kuvendit Ilir Meta, ka zhvilluar një takim me Presidentin Bujar Nishani. Takimi mes tyre i nisur rreth orës 10.00 të paradites së sotme dhe ka zgjatur afro gjysmë ore.
Ky takim nuk ka qenë i lajmëruar dhe nuk dihet ende se çfarë është diskutuar. Më tej kryeparlamentari është takuar me kryeministrin Rama, ministra të kabinetit qeveritar, si dhe kreu i PDIU-së, Shpëtim Idrizi.
Rama shoqërohej nga ministri i Ekonomisë, Arben Ahmetaj dhe nënkryetari i Grupit Parlamentar të Partisë Socialiste, Taulant Balla.
Sakaq, Meta, mbërriti rreth orës 10:35 në ambientet e ‘Vilës 30’, shoqëruar nga ministri i Drejtësisë, Ylli Manjani, ministri i Transporteve dhe Infrastrukturës, Edmond Haxhinasto si dhe kryetari i Grupit Parlamentar të LSI-së, Petrit Vasili. Takimi, i cili zgjati rreth 1 orë e 30 minuta përfundoi rreth orës 12:00, ndërsa asnjë prej pjesëmarrësve nuk ka dhënë asnjë koment para mediave. /tesheshi.com/
