I ndodhur në Nju Jork për punimet e Asamblesë së Përgjithshme të OKB-së, presidenti Meta është takuar me Mbretin e Jordanisë, Abdullah II, i njohur si mik i afërt i kryeministrit Rama
Siç njoftohet nga Presidenca, Meta ka vlerësuar marrëdhëniet shumë të mira midis dy vendeve, duke kërkuar një hov të ri në të ardhmen.
“Bashkëpunimi dypalësh, veçanërisht në fushën e sigurisë, por edhe interesi në rritje për të bashkëpunuar në aspektin ekonomik apo të shëndetësisë, janë fusha që duhet t’i nxisim e promovojmë më tej”, ka deklaruar kreu i shtetit shqiptar. Ky i fundit e ka ftuar që të vizitojë Tiranën, që siç thuhet në gjuhë zyrtare, e ka pranuar ofertën korteziale të presidentit.
Mbreti Abdullah, është ndër liderët më të afërt me Tiranën zyrtare nga të gjithë udhëheqësit e Lindjes së Mesme. /tesheshi.com/
