I përfolur për financimin e një lobimi për të qenë prezent në ceremoninë e inagurimin e Presidentit Trump, Meta ka reaguar duke thënë se nuk merret me mediat e Sorosit.
Ndërkaq, ai është pozicionuar hapur dhe qartazi kundër këmbënguljes së opozitës për të shkuar në zgjedhjet e afërta të 18 qershorit me sistemin elektronik të votimit dhe numërimit.
Si argument, kreu i LSI-së ka ofruar shembullin e ikjes së dritave, ku sipas tij mund të ndodh ndonjë kolaps zgjedhor.
Ky qëndrim i Metës u shpalos në emisionin “Studio e Hapur” e Eni Vasilit.
Interesant ishte dhe përgjigja e Metës ndaj një inserti të paraqitur ku shfaqej kreu i PD-së, Basha duke thënë me zë të lartë “Jo, jo, jo….” lidhur me një aleancë të mundshme me LSI, qëndrim i shprehur kohë më parë në studion e Fevziut.
“Mund ta kishte thënë me zë më të ulët dhe me një jo”, ironizoi Meta. Kjo përgjigje u morr dhe si mesazh i dërguar Bashës që në politikë “kurrë nuk duhet thënë ‘kurrë’” /tesheshi.com/
