Në një reagim të fundit, presidenti Meta e ka ashpërsuar akoma më tej gjuhën e tij ndaj ndërkombëtarëve, duke i cilësuar deri dhe “palaço”. Vjen kjo pas shkarkimit nga vettingu të të zgjedhurit të tij për në Kushtetuese, Besnik Muçi, si dhe pas “urdhërit” amerikan për ta çuar çështjen “Vorpsi – Xhaferrllari” në Venecia. Për Metën, duhet të vendosë referendumi, pa e specifikuar se për ç’duhet të jetë ky referendum.
“Presidenti është në Kushtetutë dhe jo në rregulloren e ndonjë ambasade. Prandaj i kam ftuar të vijnë me ekspertët e tyre dhe t’u tregoj kushtetutën e Shqipërisë. Ka vetëm një zgjidhje për Ramën dhe disa palaço ndërkombëtarë: referendumi. Edhe diplomatët të dalin me Ramën”, tha Meta.
Ai madje përmendi sërish “sovranitetin”, duke aluduar se duhet ruajtur nga ndërkombëtarët.
“Duhet të marrim në dorë sovranitetin e vendit. Prandaj larg duart nga Gjykata Kushtetues”, theksoi kreu i shtetit nën tension. /tesheshi.com/
