Tre javë pas shkarkimit të Manjanit dhe paralel me aktivizimin e reagimit opozitar, PS e LSI po tentojnë riafrimin mes tyre dhe rivendosjen e paqes. Dhe janë disa sinjale politike për këtë. Në aktivitetin e shpalljes së strategjisë 3-vjeçare anti-kanabis, në krah të ministrit Tahiri, njeriut më të sulmuar nga LSI, ndodhej eminenca gri e Ilir Metës, Spartak Braho, kreu i komisionit të Rendit, Sigurisë dhe SHISH-it.
Ndërsa në Sukth, procesin e shpërndarjes së një numri legalizimesh, e ka udhëhequr Ilir Meta me Lefter Kokën. Kujtojmë që ky i fundit shpërtheu pak para largimit të Manjanit, me deklarime aq të ashpra karshi aleatit socialist në qeveri, saqë koalicioni i duk i pamundur më tej.
Por duket se gjithçka ka marrë tjetër drejtim dhe PS nuk ka më se ç’përgjigje pret nga LSI për vazhdimin e aleancës mes tyre. 18 qershori i pret sërish bashkë.
Ndërkaq, duhet theksuar se opozita vendosi të dalë në protestë në momentin e një çarjeje mes tyre, me shpresën se mund t’a largonte Metën nga Rama, por siç duket bëri efektin e kundërt duke i afruar sërish. Mjafton darka e ngrënë sipër çadrës së protestës. /tesheshi.com/
