“Çdo ministër ose ish-ministër që ka fakte, duhet të ndjekë rrugën institucionale”, ka deklaruar kështi kreu i LSI-së, Ilir Meta, në përgjigje ta akuzave të forta të ish-ministrit Ylli Manjani, lëshuar nga ky i fundit sapo u shkarkuar nga kryeministri Rama. Pra, as Meta vetë, eprori i Manjanit në parti, nuk i merr seriozisht akuzat e vartësit të tij të zemëruar nga largimi.
“Erisa Xhixho dhe Luan Rama folën shumë qartë në lidhje me çështjen e Manjanit. Unë dua të përqendrohem të problemet e rëndësishme që ka vendi. Të hedhim sa më pak shashka sepse njerëzit janë lodhur. Çdo ministër ose ish-ministër që ka fakte, duhet të ndjekë rrugën institucionale”, deklaroi Meta gjatë një bashkëbisedimi me gazetarët.
Të përqendrohemi te problemet e reformat. Ky është vizioni i LSI-së dhe mesazhi i saj. Kush del këtij mesazhi parimor e konstruktiv, mban përgjegjësi”, u shpreh kreu i LSI-së.
Meta shtoi dhe diçka në prononcimin e tij, ku la të kuptojë se ai dhe LSI-ja që përfaqson janë tashmë të domosdoshëm për dy partitë e mëdha.
“Nëse PS ose PD do të kenë 71 mandate, LSI-ja do të dalë në opozitë menjëherë”, shtoi Meta. /tesheshi.com/
