As deklarimi i parë i Ilir Metës pas përfundimit të zgjedhjeve, nuk i ka ngjarë atij të një Presidenti. Kreu i LSI-së është shfaqur në publik dhe ka folur fiks 5 ditë pas së dielës së votimeve, ku partia e tij përfundoi në opozitë pas 8 vite vitesh e lidhur pas qeverisjeve, sa nga e djathta ashtu dhe nga e majta.
“Mirënjohës të gjithë votuesve të LSI në Durrës e Shqipëri. Shumë shpejt do zbardhet e vërteta e 25 qershorit. Votuesit heroikë të LSI shpëtuan demokracinë dhe të ardhmen e vendit. Krenar që kam punuar me ju”, ka deklaruar Meta gjatë një takimi me strukturat e partisë së tij në qytetin bregdetar.
Deklarimet e tij pasojnë ato të Petrit Vasilit, tre ditë më parë, kur në daljen e parë para medias, denoncoi zgjedhjet si të blera, siç tha, nga banda nacionalsocialiste. Vasili tha se zotërohen prova faktike për këtë, e që shumë shpejt do zbardhen për publikun.
Ndërkohë, edhe me qëndrimin e djeshëm, Meta vijon të qëndrojë në pozita partiake, pa preferuar të shkojë drejt një ligjërimi më pak ose aspak politik e krejtësisht zyrtar, të një kreu shteti mes palëve.
Madje për këtë të fundit i erdhi dhe një vërejtje nga ndërkombëtarët. Eurodeputeti Eduart Kukan, tha se në Europë, një president nuk është partiak. /tesheshi.com/
