Presidenti Meta u “rikthye në identitet”, ku pas situatës së rëndë të shkaktuar nga tërmeti, pati një pauzë në luftën e tij të qartë politike, me kauzë Kushtetutën, nën pretendimin se po e mbron atë.
Ai ishte në Prokurorinë e Tiranës i thirrur pas padisë së ngritur për kreun e KED-it Adrian Dvorani, ku tha para mediave se “jam këtu në përgjigje të ftesës së prokurorisë pas padisë ndaj shtetasi Ardian Dvorani për dy vepra të qarta penale, shpërdorimin e detyrës dhe përvetësimin e kompetencës së detyrës shtetëror.
Rasti është tmerrësisht flagrant. Shpresoj që prokuroria të mos jetë në presione politike dhe të bëjë punën e saj me profesionalizëm dhe durim”.
Meta është përplasur me Dvoranin pas zgjedhjes nga KED të Arta Vorpsit si anëtare të re të Gjykatës Kushtetuese. Nga ana tjetër, Dvorani ka shprehur habi për padinë e presidentit në tre prokurori, duke thënë gjithashtu se vendimi është kolegjial e jo personal. /tesheshi.com/
