Që pas hapjes së fushatës për strukturat e reja në parti, përfshirë edhe kryetarin, Ilir Meta ka folur për herë të parë mbi ambicien e tij – e pritshme kjo – për të qenë ai sërish ai në krye të LSI-së, pavarërisht nga fakti se përballë tij – si në çdo garë – ka një kandidat; dhe i radhës është Përparim Spahiu.
“Në 6 nëntor unë do të jem kandidat për kryetar i LSI-së, jo thjesht për të marrë një mandat të ri të Kryetarit të Lëvizjes Socialiste për Integrim, por e shoh këtë mandat të ri si mundësinë më të mirë që ta investoj për të ngritur LSI-në në një stad më të lartë, më të ri, më cilësor, më përfaqësues, më gjithëpërfshirës dhe për të realizuar një LSI shumë më të re e cila e ndihmon Shqipërinë që të ecë me hapin e ëndrrave të të rinjve”, tha Meta gjatë një takimi me degën e LRI-së në Durrës. /tesheshi.com/
