Ajo që mund të quhet dhe “video Meta-Prifti” në variantin austriak, ka patur një tjetër zhvillim.
Kancelari Sebastian Kurz njoftoi shkarkimin e ministrit të Brendshëm Herbert Kickl, duke konsideruar atë “të padenjë” për hetimin e rastit që ka trazuar qeverinë e ekstremit të djathtë të Vjenës, duke e çuar dhe vendin në zgjedhje të parakohshme.
“Unë propozoj shkarkimin e Ministrit të Brendshëm”, tha Kurz në një konferencë shtypi tri ditë pas publikimit të një video në të cilën shfaqen zëvëndësi i tij nga partia FPO, Heinz-Christian Strache, duke ofruar kontrata qeveritare për rusët.
Kurz tha se heqja e ministrit të Brendshëm ishte e nevojshme në mënyrë që të ketë “transparencë të plotë” për rastin
Konsiderohet se Kickl, i së njëjtës parti me Strache-n, nuk është personi i duhur për të kryer një hetim të pavarur. Kancelari austriak tha se pret që FPO madje të lërë dhe qeverinë.
Por nga ana tjetër, Kickl kërcënon Kurz me një votëbesim në parlament.
Ai tha se nuk kishte mirëkuptim për argumentet e Kurz-it në lidhje me shkarkimin e tij. /tesheshi.com/
