Presidenti Meta ka pritur një grup prej banorëve të zonës së njohur si e “Astirit”, të cilët për mbi dy muaj protestojnë çdo natë kundër prishjes së banesave, aty ku pritet të kalojë e ashtuquajtura Unaze e re.
“Presidenti Meta garantoi banorëve të ‘Unazës së Re’ se së shpejti do të mbajë një qëndrim të qartë zyrtar, për të gjetur një zgjidhje të shpejtë në përputhje me kornizën kushtetuese e ligjore, si dhe në interesin më të mirë publik e qytetar”, thuhet në njoftimin e Presidencës.
Ky zhvillim vjen ndërsa kreu i shtetit ka marrë pozita të qarta politike ndaj shefit të qeverisë, ngjashëm si paraardhësi i tij Nishani.
Një pjesë e banorëve të “Astirit” nuk pranojnë ofertat qeveritare për dëmshpërblim e strehim nga shteti, duke mos pranuar të lëshojnë banesat apo objekte të tjera, një pjesë prej të cilave paleje.
Krah tyre ka dalë opozita, e cila e ka shndërruar terrenin e protestave me karakter social, në një terren edhe të betejës politike të ditës. /tesheshi.com/
