Kreu i Kuvendit që tashmë është dhe president i zgjedhur, Ilir Meta, ka regjistruar frazën më të vrazhdë dhe më të ashpër në këtë fushatë elektorake. Me një gjuhë militare, ai ka deklaruar së fundi se “populli do të armatoset…”, bashkëshoqëruar me frazën “nëse policia s’i kap këta zagarë”. Kjo, pasi ka vizituar në shtëpi Gjovalin Gjinin, kryeplakun e Rabonishtit në Lezhë, gjithashtu përfaqësues i LSI-së në zonë, i dhunuar një natë më parë. Sipas Metës, kjo është një vepër rilindase.
Ish-kreu i LSI-së, që është rikthyer jozyrtarisht në krye të partisë së tij për shkak të fushatës, e “tradhëtuar” postin e Presidentit, pretendon se ia ka dhënë policisë emrat e dhunuesve.
Ky është një rast i pazakontë, kur një president bën thirrje për armatosjen e popullit. /tesheshi.com/
