Presidenti Meta ka gjetur rastin që të sqarojë pozicionin e tij në lidhje me marrëveshjen me Greqinë, e cila ka ngecur prej disa muajsh.
Ditë më parë, ministri i Jashtëm Kotzias ia faturoi fërkimeve mes Ramës e Metës stopimin e procesit që po shkonte drejt finalizimit, por presidenti, edhe pse tha që nuk donte të futej në polemika, e bëri të qartë pozicionin e tij.
Sipas Metës, marrëveshja duhej të talojë patjetër nga Kushtetuesja, por që për momentin, si pasojë e vettingut, kjo instancë është joaktive.
Në një intervistë për VOA, presidenti Meta u shpreh:
“Unë kam bërë përpjekjet e mia maksimale në mënyrën më konstruktive për ti kontribuar zgjidhjes së drejtë të kësaj çështje dhe jo ndërlikimit të mëtejshëm të saj sepse kjo është një çështje delikate tek ne, por edhe në Greqi. \
Kam bërë gjithçka, me kryeministrin Rama kemi patur një dakordim të plotë, kami patur disa mosmarrëveshje me ministrin Bushati për këtë çështje.
Ja kam bërë të qartë kryeministrit që në rast se ai është i bindur se është tërësisht e mundur për të finalizuar një marrëveshje e tille, ai do ta ketë autorizimin nga ana ime si kryeministër, por edhe si shefi i mazhorancës sepse është një marrëveshje që duhet të kalojë në Parlament.
Por ja kam bërë të qartë dhe më duhet ta them dhe është shumë e rëndësishme që një marrëveshje e tillë duhet të ratifikohet në parlament në një moment kur Shqipëria të ketë një Gjykatë Kushtetuese funksionale, përndryshe kjo nuk do t’i shërbente mbarëvajtjes dhe përmbylljes përfundimtare të kësaj çështje në interes të dy vendeve”, deklaroi kreu i shtetit shqiptar. /tesheshi.com/
