Presidenti i Republikës, Ilir Meta ka refuzuar të deklarojë se nuk do të japë pëlqyeshmërinë për negociatat me Greqinë, por ka thënë se ai kërkon të blindojë nga ana kushtetuese marrëveshjen.
Në një intervistë për Eni Vasilin, Meta tha se “Unë do përmbush të gjitha detyrimet kushtetuese. Pra që të jetë sa më e blinduar nga ana kushtetuese dhe pikat e saj janë të detyrueshme. Unë mendoj se kjo duhet të jetë një marrëveshje e drejtë për të dyja vendet që do mbetet gjithmonë”– tha Meta.
I pyetur për rastin Llalla, presidenti tha se nuk ka pasur informacion kur e ka mbrojtur.
“Nuk kam asnjë arsye që të bëj komente për vendimet që merr SHBA, pasi është e drejtë e tyre që të marrin këtë vendim, jo vetëm për Llallën, por për këdo. Unë s’kam pasur informacione për raste korrupsioni apo shkelje ligji kur kam qenë kreu i Kuvendit”, tha Meta. /tesheshi.com/
