Meta, një çmim me Fausto Lealin

Presidenti Meta është nderuar me çmimin “Politikani ndërkombëtar i vitit 2018” nga Fondacioni “Foedus” në Itali.

Sipas Presidencës, çmimi iu akordua me motivacionin “Për promovimin dhe forcimin e marrëdhënieve dhe miqësisë mes Shqipërisë dhe Italisë“.

Në një ceremoni zhvilluar në Romë me temë “Një dhuratë për një buzëqeshje” – njofton Presidenca – kryetari i Fondacionit “Foedus”, z. Mario Baçini, duke i dorëzuar çmimin prestigjioz kreut të shtetit shqiptar, theksoi se ky vlerësim u jepet çdo vit atyre personaliteve italiane dhe të huaj, të cilët kanë spikatur në fushat e tyre.

Ky çmim u shkon mijëra shqiptarëve që jetojnë dhe punojnë në Itali. Ky çmim u shkon arbëreshëve tanë të dashur të cilit lidhin dy popujt tanë në mënyrë unike prej 500-vjetësh, por edhe mijëra italianëve që punojnë dhe jetojnë në Shqipëri prej vitesh”, theksoi Meta.

Gjithashtu, sipas njoftimit zyrtar, me çmimin e presidentit shqiptar u nderuan dhe UNICEF, NEUROMED Italia, Drejtorit të Përgjithshëm të Policisë italiane, Franco Gabrielli, si dhe këngëtarit të famshëm italian Fausto Leali.

Kujtojmë se ky i fundit është ndër bigët e muzikës italiane të viteve ’80-të. /tesheshi.com/