Kryetari i grupit parlamentar socialist, Gramoz Ruçi i ka deklaruar Ilir Metës që të mbyllë lojën dyfishe me PS-në dhe çadrën dhe të nisë procedurat për raundin e 4 e të 5 të zgjedhjes së Presidentit të ri të Republikës, i cili mund të zgjidhet edhe me shumicë të thjeshtë.
“Ne i kemi votat edhe pa LSI”, ka thënë Ruçi, i cili më pas ka kërkuar mbledhjen e Konferencës së Kryetarëve.
Pas kërcënimit politik të Ruçit, mësohet se Ilir Meta ka filluar të bëhet gati për postin e Presidentit.
Burime nga mazhiranca bëjnë të ditur se procesi i mbledhjes së firmave sapo ka nisur, por në fakt sheshimi i kontradiktave mes dy aletatëve te koalicionit mund ta shndërrojë këte proces në një votim të thjeshtë dhe të qartë në raundin e katërt që do të zhvillohet pët zgjedhjen e presidentit.
Ruçi i tha kryetarit të Kuvendit, Meta, që të vendosë për kryerjen e funksioneve kushtetuese: “Ose të zgjedhim presidentin e vendit, ose të shpërbëhet parlamenti”. /tesheshi.com/
