Ishte e pritshme: pasi morri me radhë të gjitha studio televizive të Tiranës, Ilir Meta, me detyrë president, po kalon tashmë dhe në media lokale, pa asnjë vetëfrenim, me gjasë duke jua plotësuar dëshirën çdo telefonate pas së cilës është një gazetar që e telefonon, pavarësisht se ç’nivel ka ky i fundit dhe ç’lloj media i përket.
Sado periferike, Meta është aty, “gati tu” në shfazimin e tij politik gati 5-vjeçar, për t’i treguan vendin qeverisë. Kjo, falë një gazetarie pak të thuash profesionale dhe naive, e cila as vetë nuk e di se për ç’arsye madhore duhet ta ketë në studio njeriun që mban kreun e shtetit.
Ashtu siç Meta nuk ka diçka të re për të thënë, aq më pak interesante, veç atyre të zakonshmeve që janë bërë superbajat, as mediat që e ftojnë nuk kanë pikë aftësie për t’ju qasur ndryshe këtij lloj personazhi. Pra është thjesht një qerthullim në kotësi.
Ka qenë së fundi në një televizion lokal të Fierit. Se ç’ka thënë nuk është ma lajm, pasi dihet. Ka tjerrë po ato sofizma politikë e kushtetuese që s’ka as budalla t’i hajë e jo më i mençur. Pra lajm është se tani po merr mbarë mediat lokale.
Edhe fakti që shitet kaq lirë e shndërron në një presidenti pa pikë dinjiteti, ekstremisht të padenjë për postin që mban. /tesheshi.com/
