Presidenti Meta tha se do i qëndrojë tërheqjes nga tubimi i thirrur më datë 8 dhjetor në Qytetin Studenti, ku “Ditën e Rinisë”, monopol politik i PD-së, do e shfrytëzonte për të ftuar popullin drejt një referendumi, apo referendumeve.
Gjatë një inspektimi në Kalanë e Krujës, edhe ajo e dëmtuar nga tërmeti, Meta bëri mirëkuptuesin në raport me situatën, e premtoi se kur ajo të normalizohet, do i kthehet kauzës së tij. “…Tani është koha për t’u kthyer në normalitet, por tubimi do të thirret kur të kthehet jeta në normalitet si para tërmetit të 26 nëntorit”, tha kreu i shtetit, i shqetësuar për fatin e kalasë së Skënderbeut.
“Gjendja është shqetësuese për arsye historike, pra ka një histori të lëvizjeve gjeologjike të vetë Krujës por në mënyrë të veçante pas situatës së krijuar pas tërmetit të 26 Nëntorit. Është një monument mjaft i rëndësishëm. Po punohet për të bërë të gjitha vlerësimet në mënyrë që të merren masa për të ruajtur këto vlera që janë edhe krenaria jonë kombëtare”, tha Meta. /tesheshi.com/
