Në vijim të një serie thirrjesh kundër qeverisë, gati çdo ditë, duke shfrytëzuar çdo rast, presidenti Meta e bëri këtë dhe në përvjetorin e radhës së Konferencës së Pezës.
Sipas tij, edhe te kjo ngjarje e luftës ka arsye për ta përmbysur Ramën.
“Pezë do të thotë Shqipëria mbi të gjitha!
Pezë do të thotë bashkim, kushtrim dhe qëndresë, pa dallim feje, krahine dhe ideje në mbrojtje të interesit kombëtar.
Mesazhet që përcjell edhe sot, pas 78 vitesh, Konferenca e Pezës janë më aktuale se kurrë për të lënë mënjanë ndasitë e interesat afatshkurtra, dhe për t’u bashkuar kundër një pushtimi të ri nga një sekt e një bandë oligarkësh që kanë uzurpuar institucionet dhe kanë marrë peng të ardhmen e çdo shqiptari dhe atë europiane të vendit tonë.
Peza është një amanet: Besa-besë për të shpëtuar Shqipërinë!
O sot, o kurrë!”, shkruan Meta.
Kujtojmë se dy ditë më parë, në mesazhin për nisjen e vitit të ri shkollor, Meta lëshoi thirrjen për një “Dhjetor ‘90” të dytë, kuptohet kundër qeverisë. /tesheshi.com/
