Edi Rama dhe Ilir Meta i janë nënshtruar më në fund protokollit, duke dhënë një shembull të respektimit të vijave të bardha institucionale të vendit.
Ata kanë shtrënguar duart por pa u parë në sy, ndërkohë që kryeministri ka qëndruar shumë pak në selinë e presidencës.
Ka bërë përshtypje se Sali Berisha dhe Lulzim Basha, njerëzit kryesorë të opozitës kanë qenë shembullor në respektimin e protokollit për të treguar një sinjal që do të vazhdojë partneriteti i ngushtë me LSI-në.
Edi Rama, nga ana tjetër premtoi në fushatën zgjedhore se do ta dërgojë për skrap “tepsinë” e pushtetit që LSI ka pasur hisën e madhe për 4 vjet dhe pikërisht me këtë premtim iu dha i vetëm i ashtuquajturi dhe i shumëprituri timon i qeverisjes.
Por realisht timoni nuk ka shkruar për skrap: presidenti i Republikës është një institucion që shpërndan përveç të gjithave, edhe poste e role insndtitucionale politike.
Por gjithsesi drejtësia me reformën e re, pjesërisht ka ikur nga influenca direkte e kryetarit të shtetit, i cili ishte edhe kryetar i Këshillit të Lartë i Drejtësisë.
Presidenti emëron drejtorin e SHISH, ndikon në emërimet e ushtarëve të lartë, gradon ushtarakët, por mbi të gjitha emëron ambasadorët e Shqipërisë në botë.
Nuk është çudi që shumë nga njerëzit e larguar nga politika t’i shohim në diplomaci apo poste institucionale.
Në ballë të festës për presidentin e ri ra në sy prezenca e Gjin Gjonit, anëtarit të KLD-së së akuzuar për korrupsion, të cilit i është ndaluar edhe hyrja për në SHBA.
Të gjitha këto janë shenja se tepsia nuk shkon kollaj për skrap, apo më mirë të themi nuk ka shkuar për tu shkrirë.
Apo ka një pjesë të saj edhe në krye të shtetit./tesheshi.com/
