Ilir Meta ka deklaruar para të rinjve të LSI-së që çdo vit shkojnë në kampingun e Jalës për paratë e partisë se shoqëria shqiptare ka shumë egoizëm dhe konflikt.
“Problemin më të madh e kemi te bashkëjetesa politike, sepse u bënë 26 vjet dhe vendi ende ka një konflikt të tepërt dhe të panevojshëm politik aq më tepër jo për çështjet më substanciale”.
Kreu I Kuvendit ka thnë se Europa ka përgjegjësi për të ardhmen e njerëzit por shqiptarët duhet ti shërbejnë një Europë jo egoiste.
“ Europa ka pasur dhe ka një përgjegjësi të jashtëzakonshme për të ardhmen e njerëzimit dhe ne padyshim që gjithmonë do t’i shërbejmë një Europe, e cila mbron vlerat dhe parimet e saj.
Por në radhë të parë duhet të kujdesemi që këto vlera e këto parime t’i mbrojmë në shoqërinë tonë të solidaritetit në mënyrë të veçantë, sepse egoizmi dhe individualizmi janë një kërcënim për zhvillimin e drejtë e të qëndrueshëm të shoqërisë sonë, por edhe të shoqërive të tjera përreth nesh. Ndaj theksojmë gjithmonë frymën e kolektivitetit, frymën e solidaritetit, sepse absolutisht që pa solidaritet nuk mund të ketë një të ardhme të sigurt”, tha Meta. /tesheshi.com/
