Kryetari i Kuvendit, Ilir Meta, ka dalë në një konferencë shtypi që e ka quajtur të “jashtëzakonshme” dhe ka deklaruar se nuk do të dalim nga séance e 21 korrikut pa votuar reformën në drejtësi.
Deklarata e Metës
“Seanca e së enjtes duhet të jetë solemne dhe duhet të japë dinjitetin e duhur Shqipërisë përpara partnerëve ndërkombëtarë.
Përshëndes frymën bashkëpunuese dhe përgjegjëshme të dy partive të mëdha. Në zbatim të rregullores së Kuvendit, sapo kam miratuar rendin e ditës së datës 21 korrik 2016. Pr/ ligji për disa shtesa dhe ndryshime në ligji nr 82 / 17 të 1998, Kushtetuta e Republikës së Shqipërisë do të jetë cështja e parë dhe kryesore. Kjo është seanca më e rëndësishme e Kuvendit sespse do të na duhet të miratojmë me konsensus ndryshimet kushtetuese.
Sikurse jam informuar janë ende dy momente fare të vogla që kërkojnë dakordësinë e ekspertëve.
Ekspertët negociatorë janë të mandatuar të ushqejnë frymën konsensuale mbështetur vetëm mbi propozimin hibrid të paraqitur nga Nuland. E ftoj tryezën pavarësisht nga lodhja e pambarimtë të vazhdojë punën. Ajo që unë kërkoj si kryetar i Kuvendit të Shqipërisë është që diskutimet ti bëjë të hapura për mediat. Deputetët të enjten në orën 10:00 dhe opinioni publik ka nevojë të njihen me përmbajtjen e diskutimeve dhe vendimmarrjen. Seanca plenare nuk do të mbyllet pa miratimin e Kushtetutës së re. Në këtë frymë përgjegjshmërie ftoj të gjithë përfaqësuesit ndërkombëtarë që morën pjesë në këtë proces. Duhet patjeter ta mbyllim tani, mundesisht per nje ore”.
/tesheshi.com/
