Për të disatën herë, kreu i LSI-së Ilir Meta, ka mohuar zërat se mes tij dhe aleatitb Rama ka ndonjë ftohje, mosdakortësi, që më pas mund të çojë në prishje të kolalicionit e rrjedhimisht në zgjedhje të parakohshme.
Përballë gazetares Eni Vasili në emisionin “Studio e Hapur”, Meta tha se zgjedhjet do jenë në 2017-ën dhe se LSI u qëndron marrëvëshjeve dhe koalicioneve.
“Ashtu sikurse në koalicionin me z. Berisha në katër vjet kemi pasur mosadakordësi për shumë çështje, por vetëm për një çështje që mund të krijonte problem në raport midis Shqipërisë dhe NATO-s mund të prishej koalicioni dhe kjo nuk është një gjë që ka mbetur sekret. Kështu që, për çështje madhore po, është çështje e interesit të qytetarëve shqiptarë, por për çështje nga këto që shikoni e dëgjoni ju në gazeta nuk prishet koalicioni.”
Edhe sa i përket përfoljesve se është ai një ndër emrat e rëndësishëm që nuk e do reformën në drejtësi, sipas asaj çka aludon ambasadori Lu gjatë deklarimeve të tij se i tremben reformës në drejtësi ministrat e korruptuar, deputetët kriminelë, gjykatësit e paaftë, Meta tha se duhej pyetur vetë Lu për këtë.
Edhe përfoljen tjeër se emri i tij është cituar nga Lu gjatë një darke si njeriu që nuk e do reformën, Meta e konsideroi spekullim mediatik. /tesheshi.com/
