Presidenti Meta ka befasuar dhe në rastin e shfaqje së dy rasteve të para të koronavirusit në Shqipëri, duke tentuar të dublojë qeverinë, si autoritetin kryesor që merret me menaxhimin e situatës.
Sipas asaj çfarë informon zëdhënësi Tedi Blushi, Meta ka ngarkuar këshilltarin e tij, ish-kreun e SHISH-it Bahri Shaqiri, që të jetë në krye të një Task Force ngritur për këtë problem; pra pikërisht në Presidencë.
Në kuadër të përballimit dhe tejkalimit me pasoja sa më të lehta të pandemisë së coronavirusit që ka prekur vendin tonë, duke patur prioritet absolut shëndetin e çdo qytetari të Republikës së Shqipërisë, në institucionin e Presidentit të Republikës është ngritur një Task Force, nën drejtimin e Këshilltarit për Sigurinë Kombëtare z.Bahri Shaqiri, me qëllim:
– Bashkërendimin me të gjitha strukturat shtetërore;
– Monitorimin në terren, nxitjen dhe marrjen e të gjithë masave institucionale për përballimin e kësaj pandemie;
– Aktivizimin dhe afrimin e të gjitha mundësive, kapaciteteve dhe forcave të kualifikuara njerëzore dhe shkencore, shumë të nevojshme.
Ftojmë të gjithë qytetarët të cilët kanë shqetësime, nuk marrin trajtimin e duhur mjekësor, nuk u kushtohet vëmendja e duhur dhe konstatojnë nënvlerësime në marrjen e masave të domosdoshme, të na kontaktojë pa hezitim në adresën e email të vendosur në dispozicion:
Si dhe në dy numrat celularë:
– +355693435861
– +355693354269
Të gjithë të tregojmë përgjegjshmëri dhe bashkëpunim maksimal!
SË BASHKU PËR TË MBROJTUR SHËNDETIN E ÇDO QYTETARI!“, thuhet në mesazhin e zëdhësit të Presidencës. /tesheshi.com/
