Presidenti i Ilir Meta ka bërë me dije se nuk e ka në mend të ndërhyjë në çështjen e dialogut midis Kosovës edhe Serbisë.
Ai tha se nuk e merr përsipër këtë barrë as si President dhe as si shtet shqiptar, dhe tha se ata që i hyjnë kësaj pune veprojnë në mënyrë klandestine, duke aluduar kështu në kryeministrin Edi Rama i cili ka shfaqur gatishmëri për zgjidhjen e çështjes së dialogut mes Prishtinës dhe Beogradit.
Megjithatë, Meta tha se ka dhënë këshilla për të pasur raporte të koordinuara miqësore jo vetëm me pozitën, por edhe me opozitën në Kosovë, pasi sipas tij, të gjithë kanë dhënë kontribut në atë që Kosova është sot.
Meta shtoi se ndërhyrja e Shqipërisë në dialog do të thotë që ajo nuk e njeh dhe nuk beson në shtetësinë dhe sovranitetin e Kosovës, si dhe shfaq dyshim se Kosova nuk është e aftë për të vendosur për të ardhmen e saj.
Meta megjithatë tha se pajtohet vetëm me planin amerikan, atë që sekretari i shtetit Mike Pompeo propozoi, kur tha se duhet një marrëveshje që çon përpara me stabilitet. /tesheshi.com/
