Një fjalim në nisje të seancës për reformën në drejtësi, Ilir Meta, kryetar i Kuvendit, ka mbajtur një tjetër fjalim të pazakontë për shkak të mesazheve që ka përcjellë. Ai nuk ka ngurruar ta sfidojë thirrjet e SHBA dhe BE-së drejtuar deputetëve për t’u treguar patriotë në votimin e reformës.
“Nuk kemi nevojë për deputetë patriotë, por për konsensur patriotik”, tha Meta, që më pas guxoi edhe të zhvlerësojë thirrjen tjetër të ambasadës amerikane që u drejtoi qytetarëve të saj në Shqipëri, që sot të kenë kujdes. “Asgjë nuk do të ndodhë”, tha Meta.
Megjithatë, kryetari i Kuvendit e njëherësh kreu i LSI-së, Ilir Meta, ishte tejet i tensionuar në fjalën e tij, ku lejtmotiv kishte përcjelljen e mesazhit që reforma do konsenus të plotë dhe jo votim me 94 vota.
Madje ai paralajmëroi dhe destabilitet politik nëse nuk do ketë “konsenus patriotik”, siç u shpreh ai, për reformën në drejtësi. /tesheshi.com/
