Presidenti Meta i cili ndodhet nën presionin e opozitës dhe të një pjese të artistëve të TK-së që të mos e dekretojë ligjin për Teatrin, është ndodhur sot krah atij që do e zbatojë këtë ligj në terren, kryebashkiakut Veliaj. Krah, jo politikisht por fizikisht, në një aktivitet të “Aleancës për Dhurimin e Gjakut”.
Në këtë rrethanë Meta është shprehur për aktin e pritshëm të tij, duke e fshehur mjeshtërisht sinjalin nëse do e dekretojë apo jo.
“Dua t’ju siguroj që në çdo vendim nuk do të ndikohem nga asnjë faktor jashtë përgjegjësive që ka presidenti”, u shpreh Meta, si për të sqaruar më parë pozicionin e tij moral.
Edhe nëse do i thotë “Jo”, kjo nuk e pengon aspak ligjin që sërish kthehet në Kuvend e po sërish merr “Ok” nga shumica.
Por verdikti i Metës ka efekt politik, gjersa kthimin e ligjit ia kërkon dhe njeriu me të cilën ndan shtratin – bashkëshortja, kryetarja e LSI-së Monika Kryemadhi. /tesheshi.com/
