Meta ka tentuar të hakmerret ndaj Ramës me të kaluarën e djeshme komuniste, duke aluduar se pikërisht nga kryeministri po sulmohet si ish-spiun i Sigurimit të Shtetit.
Deri më tani, Rama s’ka bërë asnjë koment në lidhje me dosjen e shumëpërfolur të Metës.
Meta, duke publikuar një punim të Ramës në grafikë, datuar në atë përiudhë, shkruan se “Partia e Punës e kishte Edi Ramën karikaturistin e preferuar të shkrimeve propagandistike kushtuar Sigurimit dhe spiunazhit”, pa e shpjeguar fabulën e punimit, por vetëm referuar faktit se ajo është publikuar te revista “Në Shërbim të Popullit”, organ i Ministrisë së Brendshme atë kohë.
“Ndërsa Partia Socialiste e ka Edi Ramën, Kryetarin e bandës së inceneratorëve.
Pikërisht këtu do të fokusohemi dhe ne për të zbardhur grabitjet e tij galopante dhe për t’i dhënë ndëshkimin e merituar”, përfundon Meta mesazhin e tij. /tesheshi.com/
