Presidenti i vendit Ilir Meta ka ftuar mediat në një konferencë të jashtëzakonshme, ku dha deklarata gjithashtu të pazakonta. Duke nisur me një opsion kërcënues, e deri te zëvendësimi i tij me dikë tjetër, ai dha dy propozime që po komentohen në media.
Meta ka deklaruar se nëse palët politike nuk reflektojnë për zgjedhjen e krizës, do të ftojë të gjitha mediat botërore dhe do të shkojë te varri i Ramiz Alisë për të çuar një tufë me lule.
“Hapi i parë është zbatimi i dekretit të shtetit për zgjedhjet 30 qershorit. Përndryshe do të shkoj të ftoj të gjitha mediet botërore dhe të shkoj te varri i Ramiz Alisë nëse palët politike nuk reflektojnë”, tha Meta.
Ai pos tjerash shprehi idenë që në postin e Presidentit të rikthehet Rexhep Mejdani.
“Presidenti të ndëshkohet nga vota, kreu i shtetit nuk ka frikë nga vota. Unë largohen nga zyra por vetëm me një kusht që në këtë zyrë të vijë një njeri me shumë integritet dhe që nuk e ha shantazhin dhe presionin. Për shembull siç është Mejdani,”-tha ai.
Ai nuk e mohoi se ndjen përgjegjësi ndaj situatës okupuese në vend, dhe tha se do t’i shkoj pas qëllimit që Shqipëria të bëhet si gjithë Evropa. /tesheshi.com/
