Ilir Meta ka kërkuar rikthimin e opozitës në Kuvend, gjatë një prononcimi për mediat në orët e pasdites. Sipas tij, ka shumë arsye që ajo të jetë e pranishme dhe ta lërë bojkotin.
“Dy çështje dua t’i nënvizoj. Rëndësinë e vazhdimit të reformës në drejtësi në mënyrën më kushtetuese, ligjore dhe transparente dhe kjo është e domosdoshme.
Dhe së dyti, rëndësinë e dialogut për të garantuar zgjedhjet më të larta të standardeve evropiane më 18 qershor dhe kjo kërkon një klimë dialogu dhe bashkëpunimi.Parlamenti është i opozitës, mazhoranca ka qeverinë, është gjithnjë e mirëpritur që të çojë përpara Reformën. Parlamenti pa opozitën nuk ka kuptim. do të bëjmë të gjitha përpjeket, jemi në një moment për të ecur përpara në Reformën në Drejtësi”, u shpreh Kreu i Kuvendit.
Ndaj tij ka patur dhe interes të madh të dihet se çfarë kishte biseduar me aleatin Rama një natë më parë gjatë një darke të përbashkët në kryeministri, pra sipër kokës së protestuesve të opozitës, por përgjigja e tij ka qenë “zhgënjyese”.
“Diskutuam për reformën në Drejtësi, Vettingun dhe ecurinë e dialogut politik për të garantuar zgjedhjet e ardhshme”, tha Meta në mënyrë lakonike. /tesheshi.com/
