Pas pasi Rama mbrojti në parlament, për të disatën herë, ndryshimet kushtetuese në funksion të listaave të hapura, pas tij, Presidenti Meta, me ashpërsinë që e karakterizon prej më shumë se një viti, iu rikthye kërcënimeve me fjalën “popull”.
Me pretendimin se hapja e listave zeron “5 qershorin”, një marrëveshje që ia atribuoi Shqipërisë(!), ndërkohë që është pranuar nga PS me shumë lëshime, Meta tha se ai do reagonte, por se si nuk vijoi më tej.
“Nuk dëshiroj t’u them se çfarë do të bëj nëse të tjerët çmendem por unë do të bëjë detyrën time me të gjithë popullit shqiptar”, tha kreu i shtetit.
Meta, si zakonisht, pa asnjë kamuflim siç mund t’ja diktojë pozita e kreut të shtetit, u bë njësh me opozitën në kërkesën që listat e hapura të shkojnë në referendum. “Koalicionet i ka vendosur populli shqiptar. Duan ta bëjnë pa koalicione, ta vendosin në referendum. Nga ana ime nuk ka asnjë pengesë, por le të vendosë populli. Sovraniteti i takon popullit”, tha Meta.
Ai paralajmëroi se nuk do njohë asnjë vendim të parlamentit në lidhje me listat e hapura, duke e quajtur sërish ilegjitim.
“…Do të ushtroj të drejtat e mia për të zhvlerësuar një akt të tillë të paprecedentë…Nuk do të njihet nga presidenti”, tha Meta.
Ndërkohë, bëri përshtypje arsyetimi i tij në lidhje me faktin se herë e njeh legjitimitetin e parlamentit e herë jo.
“Kuvendi ka vetëm 82 deputetë legjitimë. Ju kërkoni perfeksion kushtetues, ligjor, procedural nga presidenti që ka qenë dhe mbetet shembulli më i mirë i respektimit në frymë dhe gërmë të Kushtetutës së Shqipërisë dhe kërkoni ta vendosni presidentin në një situatë jo perfekte…”, ishte argumenti i kreut të shtetit. /tesheshi.com/
