kreu i Kuvendit, Ilir Meta ka inaguruar sot ligjërimin zyrtar të gjuhës shqipe në Parlamentin e Malit të Zi, ku mbajti një fjalim në kuadër të vizitës zyrtare që po zhvillon në Podgoricë.
Serbët e Malit të Zi kanë pritur me protestën fjalimin e kreut të Kuvendit të Shqipërisë, Ilir Meta në Parlamentin malazez.
Lista për Demokracinë e Re Serbe dhe Partia Popullore Demokratike kanë zhvilluar një manifestim dhe kanë shpalosur një parullë ku shkruhet: “Populli i Malit të Zi nuk do ta njohë Kosovën se ajo është zemra e Serbisë”.
Opozitarët serb thanë se Tirana i ka dhënë medalje kryeministrit malazez, Milo Gjukanoviq se ka njohur shtetin e Kosovës.
“Historia kurrë nuk do të harrojë tradhtinë e Milo Gjukanoviç. Ne shpresojmë se një herë rrethanat gjeopolitike të bëjë të mundur kthimin tonë në Kosovë”.
Slaven Radunoviq, kreu i opozitës serbe tha se kur ata të fitojnë pushtetin do të anulojnë njohjen e Kosovës.
Meta i ka dorëzuar Gjikanoviqit “Medaljen e Flamurit” që është një nga dekoratat më të rëndësishme të shtetit shqiptar. /tesheshi.com/
