Presidenti Meta ka gjykuar se konflikti i acaruar politik në përgjithësi, e teoritë konspirative në veçanti në gjuhën e rënduar politike, është një prej arsyeve se pse shqiptarët po ikin.
I ftuar në Open të Eni Vasilit në Top Channel, kreu i shtetit ia adresoi një pjesë të përgjegjësisë dhe mazhorancës, pasi dha të kuptuar se ajo e opozitës ishte e ngarkuar me simptoma të tilla.
“Jemi mësuar me teori konspiracioni. Më vjen keq që keni fenomene negative në shoqëri.
Përmes konflikteve të panumërta, shmanget vëmendja nga çështjet esenciale, në mënyrë që të mos kemi këtë situatë. Që mos kemi njerëz që duan të largohen nga vendi, për fat të keq kjo është e rëndë”, tha Meta, cituar nga TCH.
“Është e lehtë të fajësosh opozitën, ama mazhoranca duhet të marrë më shumë përgjegjësi”, shtoi Meta.
Ai u tregua kritik ndaj opozitës, e cila ka zgjedhur të bojkotojë parlamentin. Te ajo bën pjesë dhe ish-partia e tij, LSI, e drejtuar tashmë nga e shoqja, znj.Kryemadhi. /tesheshi.com/
