Në fijim të deklarimeve të tij të pazakonta deri neurotike, Ilir Meta që mban postin e presidentit kaloi një tjetër cak etik në politikë duke sulmuar ashpër ambasadoren Yuri Kim, por në njëfarë mënyre dhe vetë SHBA.
Ai përmendi deri dhe raketat ruse, si karshillëk ndaj forcës ushtarake amerikane, nën obsesionin se SHBA kërkon ta ekzekutojë. Në këtë atmosferë psikologjike, ai tha se do dëshironte të ekzekutohej në Malin me Gropa.
“Më keni parë mua të ndërhyj në punët e Amerikës? Jo, as ata të mos ndërhyjnë. Amerikën e duam për zgjedhjet e lira. Po të jetë se kemi frikë nga Amerika se ka aeroplanmbajtëse dhe raketa, ka edhe Rusia, duhet të kemi frikë edhe nga Rusia, ka edhe ky koreano-veriori, edhe ai ka, por ne e duam për demokracinë” tha Meta në një televizion pranë opozitës.
Por më herët, ai tha se mund të vritej nga amerikanët.
lir Meta e di që nuk është i pavdekshëm, nuk jam nga ata që mendojnë se jam i pavdekshëm, se kur ka vdekur dhe Skënderbeu, jo më Ilir Meta. I kam thënë që nëse keni gjë me mua më lajmëroni nëse e keni se unë e di që ju më vrisni nëse doni. Por të paktën, më çoni te Mali me Gropa dhe më lëshoni një raketë që të mos dëmtoni njerëzit e tjerë”, tha njeriu që në 30 vjet post-komunizëm, po i ofron politikës një precedent të paparë gjer më sot të sjelljes politike, datuar që para katër vitesh, kohë kur mbeti në opozitë, apo dhe më herët, kur nisi Reforma në Drejtësi. /tesheshi.com/
