Presidenti Meta po lexon tension politik te fakti që dy forcat kryesore, PS në pushtet dhe PD në opozitë, kanë nisur organizime të brendshme në kuadër të zgjedhjeve parlamentare të vitit të ardhshëm.
Dhe këtë e ka bërë duke e krahasuar ambientin politik shqiptar me atë të Maqedonisë së Veriut, ku sipas tij, aty, politikisht, gjërat janë më mirë se në Shqipëri, ku në fakt, fqinji lindor, edhe pse me tregues tragjikë koronare, është përfshirë në ethen fushate. Por Metën është ndryshe.
“Edhe pse zgjedhjet parlamentare të parakohshme në Maqedoninë e Veriut do mbahen vetëm pas pak ditësh, një atmosferë sigurie dhe demokracie mbizotëron falë pjekurisë të lidershipit politik në tërësi, por edhe funksionimit normal të institucioneve.
Ndërsa fatkeqësisht te ne edhe pse nuk ka as datë zgjedhjesh ende në horizont kemi një tension artificial sikur zgjedhjet do jenë nesër. Ndërkohë që edhe pandemia është në rritje së bashku edhe me defiçitin dhe borxhin publik”, shkruan Meta.
“Verbëria për mbajtjen apo marrjen me çdo çmim të pushtetit na ka bërë që të dukemi me fqinjin tonë lindor sikur u përkasim dy kontinenteve të largëta”, konkludon këmbëngulshëm kreu i shtetit shqiptar. /tesheshi.com/
